პარლამენტში მთავრობიდან შესულია აზარტული თამაშების შესახებ კანონში შესატანი ცვლილებათა პაკეტი, რომლის მიხედვითაც ქვეყანაში "აზარტულ თამაშებზე დამოკიდებულ პირთა რეესტრი" უნდა შეიქმნას. რეესტრში შესულ პირებს კაზინოებში/ტოტალიზატორებში აღარ შეუშვებენ.
კანონპროექტში განმარტებულია ის მექანიზმი, რომლითაც პირები აღნიშნულ რეესტრში შევლენ.
როგორ ხდება პირის "აზარტულ თამაშებზე დამოკიდებულ პირთა რეესტრში" დარეგისტირება:
- (ნებაყოფლობითი) მოთამაშეს ექნება შესაძლებლობა თავისი განცხადების საფუძველზე მოითხოვის დამოკიდებულ პირთა სიაში მისი მონაცემების შეტანა.
- (არანებაყოფლობითი) ოჯახის წევრი არის უფლებამოსილი სასამართლოს წესით მოითხოვოს პირის მონაცემების რეესტრში შეტანა.
რეესტრს ფინანსთა სამინისტროს შემოსავლების სამსახური შეადგენს და მასში პირები 3 წლის ვადით იქნებიან შეყვანილი.
ამავე კანონპროექტით 21 წლამდე პირებისთვის აზარტული თამაშები სრულად იკრძალება.
რა ზომისაა საქართველოს აზარტული თამაშების ინდუსტრია:
2016 წელს კაზინოებისა და ტოტალიზატორების დეკლარირებულმა ბრუნვამ 4.3 მილიარდი ლარი შეადგინა. ეს 2015 წელთან შედარებით 16%-ით მეტია. ამ 4.3 მილიარდი ლარიდან ტოტალიზატორებზე 850 მილიონი მოდის, დანარჩენი კი ონლაინ-კაზინოებისა და რეალური კაზინოების შემოსავლებია.
აზარტული თამაშების სექტორში 138 ბიზნესი მონაწილეობს, ისინი 6.5 ათას ადამიანს ასაქმებენ.
21 წლამდე პირებისთვის კაზინოში/ტოტალიზატორში და ონლაინ-კაზინოში თამაშის უფლების აკრძალვა სავარაუდოდ აზარტული თამაშების სექტორს მომხმარებელთა ნაწილს იძულებითი წესით დააკარგვინებს.