საქართველოს შინაგან საქმეთა სამინისტროს ინფორმაციით, გუშინ, 15 სექტემბერს, ისნის რაიოში, ურთიერთშელაპარაკების დროს 48 წლის მამაკაცი ცივი იარაღით დაჭრეს. მამაკაცი საავადმყოფოში მიყვანამდე გარდაიცვალა.
უწყებაში აცხადებენ, რომ საქმე ცხელ კვალზე გაიხსნა - განზრახ მკვლელობაში ბრალდებული ერთი და დანაშაულის შეუტყობინებლობაში ბრალდებული ორი პირი უკვე დაკავებულია.
"გამოძიებამ დაადგინა, რომ მიმდინარე წლის 15 სექტემბერს, ისნის რაიონში, ბრალდებულმა ი.ა.-მ, ურთიერთშელაპარაკების ნიადაგზე, 1969 წელს დაბადებულ მ.ა.-ს ცივი იარაღის გამოყენებით სასიკვდილო ჭრილობა მიაყენა, რის შედეგადაც იგი საავადმყოფოში მიყვანამდე გარდაიცვალა. სამართალდამცველებმა ი.ა. და გ.ჩ- რუსთავში, ლ.ტ. კი - თბილისში, ცხელ კვალზე დააკავეს. პოლიციამ დანაშაულის ჩადენის იარაღი - დანა ნივთმტკიცებად ამოიღო", - აცხადეებნ შსს-ში.
მათივე ინფორმაციით, გამოძიება განზრახ მკვლელობის და დანაშაულის შეუტყობინებლობის ფაქტზე მიმდინარეობს (საქართველოს სსკ-ს 108-ე და 376-ე მუხლებით).
