დიდი ბრიტანეთის პარლამენტის ქსელზე კიბერთავდასხმა მოხდა. დეპუტატებს ამის შესახებ პარასკევს ღამით შეატყობინეს და გააფრთხილეს, რომ შესაძლოა, ელექტრონული ფოსტის მოხმარების პრობლემა ჰქონოდათ.
პარლამენტარების ნაწილმა დაუდასტურა BBC-ის, რომ საკუთარ ანგარიშებში შესვლას ვერ ახერხებდნენ.
პარლამენტის სპიკერის თქმით, ინციდენტზე გამოძიება და ეროვნულ კიბერუსაფრთხოების ცენტრთან მუშაობა მიმდინარეობს. ის ასევე ამბობს, რომ "თავდამსხმელები" საპარლამენტო ქსელის მომხმარებლების ანგარიშებში ცდილობდნენ შეღწევას.