ყირგიზეთის უსაფრთხოების სამსახურის ცნობით, სანკტ-პეტერბურგის მეტროში მომხდარი ტერაქტის სავარაუდო შემსრულებელი წარმოშობით ყირგიზი, რუსეთის მოქალაქე აკბარჟონ ჯალილოვია, რომელიც ქალაქ ოშში 1995 წელს დაიბადა.
ჯერჯერობით უცნობია, თავდამსხმელი თვითმკვლელი ტერორისტი იყო თუ არა.
გუშინ, სანკტ-პეტერბურგის მეტროში მომხდარ აფეთქებას 14 ადამიანი ემსხვერპლა, 49 კი დაშავდა.
გარდა ამისა, რუსეთის პოლიცია მეორე ეჭვმიტანილსაც ეძებს, რომელსაც მეტროსადგურ Площадь Восстания-ზე ასაფეთქებელი ნივთიერების დატოვება ედება ბრალად. ბომბი ადგილზევე გაანეიტრალეს.
პეტერბურგში 3-დღიანი გლოვაა გამოცხადებული.