ხოშტარია: მანანა კობახიძე არცერთ კრიტერიუმს არ აკმაყოფილებს, გარდა პოლიტიკურისა

საკონსტიტუციო სასამართლოს, რომელიც ყველას მიერ აღიარებული იყო, როგორც ძლიერი, დემოკრატიული ინსტიტუტი, პარალიზება მოახდინა სწორედ ქართულმა ოცნებამ. ამის ერთ-ერთი მომხრე და გამხმოვანებელი იყო სწორედ მანანა კობახიძე. ჩვენ ვიცით მისი მიკერძოებული და პოლიტიზირებული პოზიცია რუსთავი 2-ის მიმართ, რომლის საქმეც დღემდე განიხილება საკონსტიტუციო სასამართლოში. ჩვენ ასევე ვიცით მისი ძალიან საშიში შეფასებები ძალადობასთან დაკავშირებით, როდესაც მან თქვა, "იქნებ შეაგინა?" და ასეთი დამოკიდებულებები, მათ შორის, უმცირესობებთან დაკავშირებით. შესაბამისად, არცერთ კრიტერიუმს, გარდა პოლიტიკური ერთგულებისა, ქალბატონი მანანა, სამწუხაროდ, არ აკმაყოფილებს.