მინისტრობის კანდიდატებს პარლამენტის ოთხმა კომიტეტმა ფარული კენჭისყრით მხარი დაუჭირა. შედეგები ასეთია:
იურიდიულ საკითხთა კომიტეტი - 10 მომხრე, 2 - წინააღმდეგი.
ადამიანის უფლებათა კომიტეტი - 10 ათი მომხრე, 1 - წინააღმდეგი.
საპროცედურო საკითხთა და წესების კომიტეტი - 7 მომხრე, 0 წინააღმდეგი, 3-მა კენჭისყრაში მონაწილეობა არ მიიღო.
თავდაცვის და უშიშროების კომიტეტი - 11 მომხრე, 4 - წინააღმდეგი.
მინისტრობის კანდიდატებს სხვა კომიტეტებში კვლავ უსმენენ. ხვალ, განხილვები ფრაქციების და უმრავლესობა-უმცირესობის ფორმატში გაგრძელდება. რიგგარეშე სესია, სადაც მთავრობას ნდობა უნდა გამოუცხადონ, შაბათს, 12:00-ზე გაიხსნება.
ცნობისთვის, მინისტრთა კანდიდატებს შორის, მხოლოდ სამი ახალი სახეა - ევროინტეგრაციის მინისტრობის კანდიდატი ვიქტორ დოლიძე, რეგიონული ინფრასტრუქტურისა და განვითარების მინისტრობის კანდიდატი ზურაბ ალავიძე და ეკონომიკის მინისტრობის კანდიდატი - გიორგი გახარია.