საქართველოს კომუნიკაციების ეროვნულმა კომისიამ ვლადიმერ ბედუკაძის პარტიის რეკლამის შესწავლა დაიწყო. როგორც ტაბულას კომისიაში განუცხადეს, განცხადება ხვალ გაკეთდება.
„ხვალ კომისია იმსჯელებს აღნიშნულ საკითხზე სამუშაო რეჟიმში და მოგვიანებით გავაკეთებთ განცხადებას“ - აცხადებენ კომისიაში.
პარტია "ცენტრისტები ხაჩიშვილი - ბედუკაძის" პოლიტიკური რეკლამა, რომელშიც რუსეთის პრეზიდენტი და რუსული ტანკები ფიგურირებენ, საზოგადოებრივი მაუწყებლის ეთერით გადაიცემა. პარტიის პირველი დაპირება - "რუსული პენსია 400 ლარის ოდენობით", მეორე დაპირება - ორმაგი მოქალაქეობის კანონის მიღება, მესამე დაპირება კი საქართველოში რუსული სამხედრო ბაზების დაკანონებაა.
საზოგადოებრივი მაუწყებლის ეთერში რუსული პროპაგანდის ტირაჟირებას ემიჯნება მაუწყებლის პირველადი პროფკავშირი. ამის შესახებ ოფიციალურ განცხადებაშია ნათქვამი.
