ახვლედიანი: პრემიერის პიარულად კარგი განცხადებების მიღმა რეალური ნაბიჯები არაა

დღემდე ვერ გამიგია, რას ელოდება პრემიერი, რატომ არ დგამს მმართველი გუნდის რეფორმირებასთან დაკავშირებულ ნაბიჯებს. ვერ გამიგია, როგორ არის გიორგი კვირიკაშვილი თანახმა, გახდეს იმ პარტიის თავმჯდომარე, რომელმაც არამხოლოდ ეს პარტია და კოალიცია, არამედ პოლიტიკური პროცესი რაღაც თვალსაზრისით ჩიხში შეიყვანა. კვირიკაშვილი თანახმაა, გახდეს ამ ვაიპარტიის, ვითომ პარტიის თავმჯდომარე. კვირიკაშვილი ამ ფასადის ერთ-ერთი ნაწილი აღმოჩნდა. ის ერთ-ერთი ყველაზე სუსტი პრემიერმინისტრია, იმიტომ, რომ რეალურად ის ვერ გაცდა მის წინა თანამდებობას. პრემიერმინისტრი ასე არ უნდა იქცეოდეს და უნდა ჰქონდეს გაცნობიერებული, რომ პიარულად კარგი განცხადებების მიღმა უნდა იყოს აქა-იქ კონკრეტული, რეალური ნაბიჯი, რომელიც გააჯანსაღებს სიტუაციას გუნდში, შესაბამისად - მთელს ქვეყანაშიც. ეს ჩვენ არ გვინახავს. ასე რომ, ფასადურობა სახეზეა და თუ დღეს ვინმე ელოდება, რომ ყრილობა რამის მომტანია, ცდება