გოგუაძე: 99%-ით დარწმუნებული ვარ, რომ კოალიცია ივანიშვილმა დაშალა

მართვის ის პრინციპი, რომელიც დამყარებულია ჩვენს სახელმწიფოში და რომლითაც იმართება კოალიცია იქნება ეს თუ მთავრობა, უშუალოდ აისახება ჩვენი ქვეყნის ეკონომიკურ მდგომარეობაზე და აქედან გამომდინარე ჩვენი მოქალაქეების კეთილდღეობაზეც. როგორ შეიძლება ეკონომიკას სტაბილურობის განცდა ჰქონდეს ან რომელიმე მოქალაქეს ჰქონდეს სტაბილურობის განცდა მაშინ, როდესაც პარტნიორი კოალიციის წევრებისთვისაც სრულიად მოულოდნელად კოალიცია დაიშალა ანუ მათაც კი არ ჰქონდათ ეს სტაბილურობის განცდა. ეს მუდმივი არასტაბილურობა ძალიან მძიმედ აისახება ჩვენი ყოველი მოქალაქის საცხოვრებელ პირობებზე. ეს ჯანსაღი პროცესი არ არის, ეს არ არის არც ევროპული დემოკრატია. თითქმის 99%-ით შემიძლია გითხრათ, რომ ეს კოალიცია დაშალა ბიძინა ივანიშვილმა და დაშალა თავისი მოსაზრებებით. მას ეს ჩაფიქრებული ჰქონდა ახლა კი არა, ძალიან ადრე. არჩევნების წინ რომ დაშლიდა კოალიციას მე ამის მოლოდინი მქონდა