საქართველოს პრეზიდენტმა გიორგი მარგველაშვილმა შსს-ს რეფორმირების კანონს ხელი მოაწერა, რომლის მიხედვითაც უწყებას უსაფრთხოების სამსახური გამოეყოფა. ამის შესახებ პრეზიდენტის მრჩეველმა კახა კოჟორიძემ ისაუბრა.
"საქართველოს პრეზიდენტმა ხელი მოაწერა კანონს შსს-დან უსაფრთხოების სამსახურის გამოყოფის შესახებ. ამავე დროს, საქართველოს პრეზიდენტს მიაჩნია, რომ ეს კანონპროექტი არის საწყისი, მაგრამ არასაკმარისი ნაბიჯი. რეფორმები უახლოეს მომავალში სწრაფად და კარგად გააზრებულად უნდა გაგრძელდეს", - თქვა კოჟორიძემ.
