2006 წლიდან მოყოლებული, საქართველოს ხელისუფლებამ, ჩვენი მთავრობის დროს, გააკეთა ყველაფერი, რათა სტრასბურგში მოგვეგო სახელმწიფოთაშორისი სარჩელი რუსეთის წინააღმდეგ, რამაც დღევანდელ მთავრობას მისცა შანსი, რომ ჩვენი ეროვნული ინტერესები ძალიან მკაფიოდ და ცხადად იქნას დაცული საერთაშორისო არენაზე. სამწუხაროდ, არასაკმარისი კეთდება იმ მიმართულებით, რომ სასამართლოს მიერ მიღებული გადაწყვეტილება იქნას გამოყენებული აქტიურად საერთაშორისო ფორმატებში, მათ შორის, ჟენევის ფორმატში. სწორედ ამის შედეგია რუსეთის თავხედური განცხადება, რომ მან არაფერი იცის იმ კომპენსაციაზე, რაც ამ საქმის გამო, მან საქართველოს დაზარალებულ მოქალაქეებს უნდა გადაუხადოს. საქართველოს მთავრობის არაკომპეტენტურობა ჩანს ძალიან ბევრ რამეში და მათ შორის, იმ საქმეში, რასაც ჰქვია საერთაშორისო ასპარეზზე ჩვენი ეროვნული ინტერესების დაცვა. საქართველოს მთავრობას ემჩნევა გაუბედაობა რუსეთთან ურთიერთობაში და ჩვენი ინტერესების მკაფიოდ გაცხადებაში.
რუსეთ-საქართველოს ურთიერთობა
ენმ: საქართველოს მთავრობას ემჩნევა გაუბედავობა რუსეთთან ურთიერთობაში
