ვასაძე: ბიძინას ნუ დამაპირისპირებთ

...ბიძინას ნუ დამაპირისპირებთ, მისი აზრი ჩემთვის ყოველთვის საინტერესოა. მე ჩემი აზრი მაქვს. საგანგაშო და კატასტროფული ნამდვილად არაფერი ხდება. მე მიმაჩნია, რომ დიდი წინსვლა არ არის ეკონომიკის მიმართულებით. ფუნდამენტური პრობლემები ჩვენი მოსახლეობის - უმუშევრობა, სიღარიბე, რაღაც ბარბაროსული კრედიტების ტვირთი, მას ისევ აწევს. თუმცა, მე ვთვლი, რომ ძალიან დიდი ფაქტორია, რომ ტერორი და წეწვა, 10 ათასი ბიზნესი დაანგიორიეს იმათმა, აღარ არის. უმძიმესი მემკვიდრეობაა წინა პოლიტიკური რეჟიმის და მე მესმის, რომ ამას დრო უნდა, რომ გამოსწორდეს და წინ წავიდეს. სხვათა შორის იმიტო ვაკრიტიკებ ჩვენს პარლამენტს, რომ მათი და ქვეყნის პრიორიტეტები და დღის წესრიგი სრულად განსხვავდება. ჩვენთვის სიღარიბის დასაძლევად საჭიროა ადგილობრივი წარმოების სტიმულირება. ამისთვის უნდა შემოვიღოთ გონივრული საბაჟო პროტექციონალიზმი... პარლამენტარები სხედან და მსჯელობენ ისეთ თემებზე, როგორიცაა ბუსუსებიანი პრეზერვატივები, ჩოხაზე ვატაროთ თუ რა ხანჯლები, ჰიმნის მოსმენის დროს ქუდი მოვიხადოთ თუ არ მოვიხადოთ, მოსმენის ღილაკები, ოჯახური ძალადობა – ეს შემოგდებული თემებია...