ვასაძე: ქართველობა ნიშნავს ნორმალურობას

...ქართველობა არის ერთ-ერთი ძველი ეროვნება, რომლის კულტურა და ისტორია მნიშვნელოვნად არის დაფუძნებული ქრისტიანულ სარწმუნოებაზე, როგორც მთელი ევროპა. ქართველობა ჩემთვის პირადად ნიშნავს ნორმალურობას და ტრადიციული საზოგადოების ღირსეულ წევრობას... როდესაც არ შეიძლება სიტუტუცე და უზრდელობა, როდესაც კაცი  უნდა იყოს კაცი, ქალი უნდა იყოს ქალი, შვილი უნდა სცემდეს პატივს მშობლებს, არ უნდა იყოს გამუდმებით ადამიანების ერთმანეთზე თავით დაჯახება ეთერში... როდესაც ისედაც გაწვალებული ჩვენი მოსახლეობა მოდის სახლში, ტელევიზორს საღამოს რომ ჩართავს, უნდა დაისვენოს, ფსიქიკა დაიწყნაროს, რაღაც კარგი ნახოს, რაღაც განათლება მიიღოს. იმის მაგივრად, რომ ვიღაც ტელეეკრანიდან გადმოყოს თითი, ჩაუყოს სულში და უჩიჩქნოს ყველზე ბინძური ვნებები. აიყოლიოს, ააგდოს, გაანერვიულოს და მერე მიაჯინოს კომპიუტერთან, რომ ანონიმური რაღაც სახელებით ზიზღის და ცინიზმის გაუთავებელ ნაკადს ანთხევდეს...