საარჩევნო ბლოკმა "ბურჯანაძე-ერთიანი ოპოზიცია" თბილისის მერობის კანდიდატად დიმიტრი ლორთქიფანიძე ოფიციალურად დაასახელა.
დემოკრატიული მოძრაობა-ერთიანი საქართველოს ლიდერმა ნინო ბურჯანაძემ ძველ თბილისში გამართულ ღონისძიებაზე აღნიშნა, რომ მათი კანდიდატი თბილისში მცხოვრებ თითოეულ მოქალაქეზე იზრუნებს.
"შემთხვევითი არაა, რომ ჩვენ ნამდვილი ქართველი, ღირსეული მოქალაქე წარმოგიდგინეთ, 8 ქართველის მამა, რომელიც მე-9 ქართველს ელოდება. დიმიტრი ლორთქიფანიძე ყველაფერს გააკეთებს, რომ დედაქალაქის ბიუჯეტიდან არამიზნობრივად არც ერთი თეთრი არ დაიხარჯოს", - აღნიშნა ბურჯანაძემ.
საქართველოში ადგილობრივი თვითმმართველობის არჩევნები 15 ივნისს გაიმართება.