უკრაინის დედაქალაქში, მომიტინგეები კიევის მერიაში შეიჩრნენ. შენობის გარეთ პოლიციაა მობილიზებული, თუმცა ამ დროისთვის აქტიური ქმედებებისთვის არ მიუმართავთ.
მიუხედავად იმისა, რომ კიევის სასამართლომ 1 დეკემბრიდან ქალაქის ცენტრში აქციების გამართვაზე აკრძალვა დააწესა, დამოუკიდებლობის მოედანზე დღეს, ათასობით ადამიანი შეიკრიბა.
მომიტინგეები მთავრობის გადადგომას და ახალი არჩევნების დანიშვნას ითხოვენ. BBC-ს ცნობით, ხალხმა ქალაქის მერიის შენობის შუშები დაამსხვრია და შიგნით შეაღწია.
პარალელურად, მაიდანზე ათიათასობით ადამიანია შეკრებილი. ცოტა ხნის წინ დამოუკიდებლობის მოედანზე იაროსლავ კაჩინსკი იმყოფებოდა, რომელმაც მომიტინგეებს სოლიდარობა გამოუცხადა.