კიევის საოლქო ადმინისტრაციულმა სასამართლომ, აკრძალა მასობრივი აქციების ჩატარება დამოუკიდებლობის მეიდანზე, ევროპის მოედანზე, ბანკის (სადაც პრეზიდენტის ადმინისტრაცია მდებარეობს), გრუშებსკის (სადაც მინისტრთა კაბინეტი და რადა მდებარეობს) და ბოგომელიცის ქუჩებზე (შსს-ს შენობის მიმდებარე ტერიტორია). აკრძალვა მოქმედებს 2013 წლის 1 დეკემბრიდან, 2014 წლის 7 იანვრამდე პერიოდზე. ინფორმაციას რბკ უკრაინა ავრცელებს. გამოცემის ცნობით, ამრიგად სასამართლომ ქალაქის ადმინისტრაციის სარჩელი დააკმაყოფილა.
დღეს, ოპოზიცია მიტინგის ჩატარებას ტარას შევჩენკოს სახელობის პარკში, ვლადიმერის ქუჩაზე გეგმავს.
