მეოთხე ქვეითი ბრიგადის მეთაური, ზურაბ შამათავა წინასწარი დაკავების იზოლატორიდან გათავისუფლდა. შამათავას ადვოკატის, დავით დეკანოიძის განცხადებით, დაკისრებული გირაოს თანხა - 20 ათასი ლარი უკვე გადახდილია.
შეგახსენებთ, თბილისის საქალაქო სასამართლოს გადაწყვეტილებით, გაერთიანებული შტაბის ხელმძღვანელი გიორგი კალანდაძე და მეოთხე ბრიგადის მეთაური ზურაბ შამათავა გირაოს სანაცვლოდ გაათავისუფლეს, ხოლო შს ყოფილ მინისტრს, ბაჩო ახალაიას აღმკვეთი ღონისძიება, პატიმრობა შეეფარდა.