ვატიკანის წმინდა საყდარს პაპის შვეიცარიული გვარდიის 26-მა ახალმა წევრმა შეჰფიცა ერთგულება. მათ პავლე მეექვსის ცნობილ დარბაზში სამხედრო დროშაზე დადეს ფიცი: ,,ვემსახურები პატიოსნად, ერთგულად და ღირსეულად წმინდა მამას!’’ ეს ფორმულა ყოველმა ახალწვეულმა მშობლიურ, გერმანულ ენაზე გაიმეორა, რაც პაპის შვეიცარიული გვარდიის უძველესი დევიზის განახლებაც იყო - ,,Ich Hellebardier ...’’
როგორც წესი, პაპის პირადი გვარდიის შევსების ცერემონიალზე იმ 147 დაღუპულ შვეიცარიელ მეომარს მიაგებენ პატივს, რომლებმაც პაპი კლიმენტი მეშვიდე 1527 წლის 6 მაისს ისტორიულ ,,რომის ძარცვაში’’ იმპერატორი კარლ მეხუთეს არმიისგან სიცოცხლის ფასად დაიცვეს.
უძველესი გვარდიის წევრობა მხოლოდ იმ შვეიცარიელ კათოლიკე მამაკაცებს შეუძლიათ, რომელთა ასაკი 30 წელს არ აღემატება და არ არიან დაქორწინებულები.
