ყაზახეთის ცენტრალური საარჩევნო კომისიის ცნობით, 15 იანვრის არჩევნების შედეგად 7%-იანი ბარიერის გადალახვა და ახალ პარლამენტში მანდატების მოპოვება სამმა პარტიამ მოახერხა.
წინასწარი შედეგებით, პრეზიდენტ, ნურსულთან ნაზარბაევის Nur Otan-ის პარტიამ ხმათა 80,7% მიიღო. ბიზნესის მომხრე პარტია Ak Zhol და კომუნისტური სახალხო პარტია კი 7,5%-სა და 7,2%-ს დასჯერდნენ.
კენჭისყრაში მონაწილე დანარჩენმა ოთხმა პარტიამ საარჩევნო ბარიერი ვერ გადალახა. არჩევნებზე მოსახლეობის აქტივობა 75%-ს შეადგენდა. ანტისამთავრობო პარტიები ამტკიცებენ, რომ არჩევნები ფართომასშტაბიანი დარღვევებით ჩატარდა.
