ბიძინა ივანიშვილი უარყობს ირაკლი ოქრუაშვილთან მოლაპარაკებებს. ამის შესახებ განცხადება ოლიგარქის პრეს-სამსახურმა გაავრცელა. ”ეროსი კიწმარიშვილმა საინფორმაციო საშუალებების მეშვეობით გაავრცელა მცდარი ცნობა, თითქოს მიმდინარეობს კონსულტაციები ივანიშვილსა და ოქრუაშვილს შორის. არანაირი მოლაპარაკებები ქართული პარტიის წარმომადგენლებთან, მით უფრო ოქრუაშვილთან, არ მიმდინარეობს და არც იგეგმება”- ნათქვამია განცხადებაში.
12 აგვისტოს თავის მიმართვაში ივანიშვილმა ეროსი კიწმარიშვილი ფსევდო ოპოზიციონრების ჩამონათვალში ახსენა. ზოგადად კი განმარტა, რომ არ აპირებს თანამშრომლობას ფსევდო ოპოზიციურ ძალებთან. მოგვიანებით, ერთ-ერთ სატელევიზო ეთერში კიწმარიშვილმა თქვა , რომ ქართულ პარტიაში ის , სუბარი და ოქრუაშვილი თანამოაზრეები არიან და თუ სუბარი კარგია , ოქრუაშვილთან კი მოლაპარაკებები მიდის, ალოგიკურია ითქვას, რომ კიწმარიშვილი ცუდია. გაკრიტიკების მიუხედავად მან ივანიშვილს თანამშრომლობა შესთავაზა.
ივანიშვილი პოლიტიკაში
