მალტაში, ფეიერვერკების ქარხანაში აფეთქება მოხდა.
ადგილობრივი მედიის ცნობით, დაშავდა ორი მამაკაცი, 47 და 67 წლის, რომლებიც საავადმყოფოში გადაიყვანეს და მსუბუქ დაზიანებებზე უმკურნალეს. სავარაუდოდ, დაიღუპა რამდენიმე ფერმის ცხოველი.
აფეთქება სალინას რაიონში, დილის 6:30 საათზე მოხდა.
ლურდესის ფეიერვერკების ქარხანაში მომხდარმა აფეთქებამ მიმდებარე ტერიტორიაზე მრავალი შენობა დააზიანა, თუმცა პოლიციის განცხადებით, ადგილზე მომუშავე ყველა პირი და მეზობლები აღრიცხული არიან.
