მოლდოვის პოლიციამ განაცხადა, რომ უკრაინის ხელისუფლებასთან ერთად დაიწყო ერთობლივი გამოძიება უკრაინაში რამდენიმე საზოგადო მოღვაწის სავარაუდო მკვლელობის გეგმასთან დაკავშირებით და აღნიშნა, რომ ოპერაციას, სავარაუდოდ, რუსეთის სპეცსამსახურები ხელმძღვანელობდნენ.
უწყების განცხადებით, საგამოძიებო მოქმედებები ადგილობრივი დროით დილის 6 საათზე დაიწყო ერთობლივი საგამოძიებო ჯგუფის ფარგლებში, რომელშიც მოლდოვის პოლიცია და უკრაინის სამართალდამცავი ორგანოები მონაწილეობენ.
მათ დამატებითი ინფორმაცია არც სავარაუდო სამიზნეების და არც შეთქმულების განვითარების ეტაპის შესახებ არ გაუვრცელებიათ.
