ევროპარლამენტარი რასა იუკნევიჩიანე საქართველოში კოლეგებთან ვიზიტის ფონზე, პრეზიდენტ სალომე ზურაბიშვილთან ფოტოს აქვეყნებს და წერს, რომ დელეგაცია პრეზიდენტის ძალისხმევას მხარს სრულად უჭერს.
ამის შესახებ ის X-ზე წერს.
"ქართველი ხალხისთვის საკვანძო მომენტია. პრეზიდენტ ზურაბიშვილს საქართველოს ევროპულ გზაზე დაბრუნებისკენ მიმართულ მის ძალისხმევაში სრულად ვუჭერთ მხარს". - წერს იუკნევიჩიანე X-ზე.
მანამდე, ევროპარლამენტარი რასა იუკნევიჩიანემ X-ზე დაწერა, რომ ის საქართველოში კოლეგებთან ერთად ჩამოდიოდა და დეპუტატ რეინიერ ვან ლანსხოტთან ერთად ფოტო გამოაქვეყნა.
მანამდე, თბილისში შვედი ევროპარლამენტარი გუსტაფ გოთბერგი ჩამოვიდა, რის შესახებაც მან X-ზე დაწერა.
