პრეზიდენტის საპარლამენტო მდივნის, გიორგი მსხილაძის თქმით, ქართული ოცნება ცდილობს საზოგადოება შეცდომაში შეიყვანოს, როცა საქართველოს პრეზიდენტის, სალომე ზურაბიშვილის მიერ რუსულ კანონზე დადებულ ვეტოს მოტივირებული შენიშვნების გარეშე წარმოაჩენს.
სპეციალურ ბრიფინგზე მსხილაძემ ხაზგასმით აღნიშნა, რომ პრეზიდენტის ვეტო მოტივირებულია და მასში დეტალურად არის აღწერილი კონსტიტუციის 4 მუხლი, რომელიც ირღვევა რუსული კანონის ამოქმედებით.
"არის განმარტებული, თუ რატომ არის აღნიშნული კანონი რუსული, არის მოყვანილი მისი მიღების მოტივაცია, რა ფორმით იყო ეს კანონი მიღებული - რომ ეს არის ჩვენთვის მიუღებელი და დაუშვებელია". - თქვა მსხილაძემ ბრიფინგზე
პრეზიდენტის საპარლამენტო მდივნის თქმით, კანონის მოტივირებული შენიშვნებით მიბრუნებულ ვერსიაში ჩამატებული ერთი წინადადება, რომელიც “კანონის ერთი დღით ამოქმედებას” უკავშირდება, წარმოადგენს იურიდიულ ტექნიკას, რომელიც საჭიროა იმისთვის, რომ კანონი გაუქმდეს.
"კანონი თუ არ ამოქმედდა, ისე ვერ გაუქმდება". - თქვა მსხილაძემ.
