50 არასამთავრობო ორგანიზაცია ერთობლივ განცხადებას ავრცელებს. ისინი რეჟიმის მიერ მოქალაქეების მიმართ განხორციელებული ფიზიკური ძალადობის, სატელეფონო მუქარებისა და სხვადასხვა ტიპის შანტაჟის ფაქტებს ეხმაურებიან. NGO-ები ამბობენ, რომ ისინი ყველა დაზარალებულს სამართლებრივ დახმარებას გაუწევენ.
"8 მაისის ღამეს ხელისუფლებას ნერვებმა უმტყუნა და ნაადრევად დაიწყო იმის ჩვენება, თუ როგორ ქვეყნად აპირებენ საქართველოს ქცევას. ბიძინა ივანიშვილის მიერ 29 აპრილს დაანონსებული საგარეო ვექტორის ცვლილება და რეპრესიები უკვე თვალსაჩინოდ ამოქმედდა - ასობით მოქალაქესთან განხორციელებული მუქარისა და შეურაცხყოფის ზარები პოლიტიკოსებსა და აქტივისტებზე ფიზიკურ თავდასხმებსა და ორგანიზებულ ანგარიშსწორებაში გადაიზარდა.
ოლიგარქსა და მის მარიონეტებს ავიწყდებათ, რომ საქართველო რუსეთი არ არის. ქართველებმა ვიცით თავისუფლების ფასი. ქვეყნის ევროპული მომავლისთვის ჩვენს ბრძოლას კი რუსული უშიშროების სამსახურების მეთოდებით ვერაფერს დააკლებენ. ადამიანზე მიპარვით ზურგიდან თავდასხმას, სადარბაზოებში დევნას, ან მცირეწლოვანი ბავშვისთვის კარის შემტვრევის მცდელობას ქართველი არასოდეს მოიწონებს. ასე იქცევა რუსული რეჟიმი.
ჩვენ ყველა დაზარალებულს სამართლებრივ დახმარებას გავუწევთ. აქტიურ მოქალაქეებზე მიზანმიმართული თავდასხმის თითოეულ შემთხვევას - წინა კვირებში გამართულ აქციებზე თუ ახლა - აუცილებლად ბოლომდე მივყვებით, მოვითხოვთ და უზრუნველვყოფთ დამნაშავეთა გამოვლენას. თავისუფლება ქართველი ხალხისთვის მთავარი ღირებულებაა. ამიტომ ვდგავართ და ვიდგებით საქართველოს ევროპული მომავლის სადარაჯოზე, რუსული მეთოდებისა და ძალადობისაგან ამ ქვეყნის დასაცავად. ამ ბრძოლას ქართველი ხალხი გამარჯვებით დაასრულებს, მოძალადეებს კი სათანადო პასუხი აუცილებლად მიეზღვებათ". - ნათქვამია არასამთავრობოების ერთობლივ განცხადებაში.
განცხადებას ხელს შემდეგი ორგანიზაციები აწერენ:
ა(ა)იპ “ადამიანის უფლებების განვითარების ფონდი”
ადამიანის უფლებათა ცენტრი
აღმოსავლეთ ევროპის ცენტრი მრავალპარტიული დემოკრატიისთვის EECMD
ბათუმის დამოუკიდებელი ცხოვრების ცენტრი
გერგარტი
დემოკრატიის ინსტიტუტი
დემოკრატიის კვლევის ინსტიტუტი
დემოკრატიის მცველები
ევროპის ფონდი
ევროპულ-ქართული ინსტიტუტი
ეკო ცენტრი
ეკონომიკური პოლიტიკის კვლევის ცენტრი
თაობათა გაძლიერების ქსელი (GEN)
თბილისი პრაიდი
ინფორმაციის თავისუფლების განვითარების ინსტიტუტი - IDFI
კომლი
მრავალპარტიული დემოკრატიის ცენტრი -EECMD
მწვანე ალტერნატივა
პარტნიორობა ადამიანის უფლებებისთვის (PHR)
პლატფორმა სალამი
რეგიონული პარტნიორობის ცენტრი (RPC)
რეფორმებისა და კვლევის ჯგუფი
საბჭოთა წარსულის კვლევის ლაბორატორია
საერთაშორისო გამჭვირვალობა-საქართველო
საზოგადოება და ბანკები
საზოგადოებრივი მოძრაობა “მწვანეები”
სამართლიანი არჩევნებისა და დემოკრატიის საერთაშორისო საზოგადოება -ISFED
სამოქალაქო აქტივობისა და რეგიონული განვითარების ცენტრი
სამოქალაქო მოძრაობა თავისუფლებისთვის
სამოქალაქო საზოგადოების ფონდი
სასამართლოს გუშაგი
საფარი
საქართველოს ახალგაზრდა იურისტთა ასოციაცია
საქართველოს დემოკრატიული ინიციატივა
საქართველოს ევროპული ორბიტა
საქართველოს მომავლის აკადემია
საქართველოს რეფორმების ასოციაცია -GRASS
საქართველოს სამოქალაქო საზოგადოების განვითარების ასოციაცია (ACSDG)
საქართველოს სტრატეგიისა და საერთაშორისო ურთიერთობების კვლევის ფონდი (რონდელის ფონდი)
სოციალური მუშაკები საზოგადოების კეთილდღეობისთვის
სოციალური სამართლიანობის ცენტრი
ტოლერანტობისა და მრავალფეროვნების ინსტიტუტი
უფლებები საქართველო
ქალთა ინიციატივების მხარდამჭერი ჯგუფი
ყვარელის ევროკლუბი
შშმ ქალთა ალიანსი
ცოდნის კაფე
წამების მსხვერპლთს ფსიქოსოციალური და სამედიცინო რეაბილიტაციის ცენტრი -GCRT
GrlzWave
Promote Georgia
გუშინ, 8 მაისს ივანიშვილის რეჟიმი ორდღიანი სატელეფონო ტერორის შემდეგ აქციის მონაწილეების ფიზიკურ დევნას შეუდგა. 8 მაისის ღამეს თავს დაესხნენ და ფიზიკურად გაუსწორდნენ პროტესტის მონაწილეებს, ენმ-ს წევრს, დიმა ჩიქოვანს, ზურაბ ჯაფარიძის ძმას, გია ჯაფარიძესა და ორბორბლიანთა მარშის ერთ-ერთ ორგანიზატორს, ლაშა ღვინიანიძეს.
