რამდენიმედღიანი გაუფასურების შემდეგ, ლარის კურსი დოლართან მიმართებით 0.46 თეთრით გამყარდა, ხოლო ევროსთან - 1.61 თეთრით გაუფასურდა. 21 მარტის ვაჭრობის შედეგად, ერთი დოლარის ოფიციალური გაცვლითი კურსი 2.7060 ლარია, ერთი ევროსი კი - 2.9544 ლარი.
კომერციულ ბანკებში დოლარის ღირებულება 2.75 ლარია, ხოლო ევროსი - 3 ლარი. რაც შეეხება სავალუტო ჯიხურებს, დოლარის შეძენა 2.71 ლარად შეგიძლიათ, ევროსი - 2.95 ლარად.
აღსანიშნავია, რომ 13 მარტის სხდომაზე, მონეტარული პოლიტიკის კომიტეტმა რეფინანსირების განაკვეთი 0.75%-ით შეამცირა. მას შემდეგ, რამდენიმე დღის განმავლობაში ლარის კურსი უფასურდებოდა. დღეის მდგომარეობით, ბოლო 1 კვირაში ლარი დოლართან 4.9 თეთრით, ხოლო ევროსთან 4.72 თეთრით გაუფასურდა.
