შვეიცარიაში მატარებელში შეიარაღებულმა ირანელმა კაცმა 15 მძევალი აიყვანა. პოლიციამ 32 წლის ირანელი თავდამსხმელი მოკლა. გავრცელებული ინფორმაციით, თავდამსხმელი თავშესაფრის მაძიებელი იყო.
შემთხვევა შვეიცარიაში ბოლმსა და ივრდონ-ლე ბენს შორის მოძრავ მატარებელზე მოხდა. როგორც ცნობილია, ირანელი თავდამსხმელი ნაჯახით და დანით იყო შეიარაღებული. 15 მძევალი ირანელი თავშესაფრის მაძიებლის ტყვეობაში დაახლოებით 4 საათის განმავლობაში იმყოფებოდა.
"ყველა მძევალი უვნებლად გათავისუფლდა. თავდამსხმელი ფატალურად დაიჭრა სპეცოპერაციის დროს" - ნათქვამია პოლიციის განცხადებაში.
თავდამსხმელის მოტივების შესახებ ჯერჯერობით არანაირი ინფორმაცია არ გავრცელებულა.