საქართველოს სახელით 2024 წლის ევროვიზიის მუსიკალურ კონკურსზე ნუცა ბუზალაძე იმღერებს.
ბუზალაძეს არაერთ როგორც ქართულ, ისე უცხოურ მუსიკალურ კონკურსში აქვს მონაწილეობა მიღებული. სიმღერა 5 წლის ასაკში ანსამბლ მართვეში დაიწყო. არის ნიჭიერის და ცეკვავენ ვარსკვლავების ნახევარფინალისტი. 2020-2021 წლებში გახდა რუსული კონკურსის Ну-ка, все вместе ფინალისტი. 2023 წელს მოხვდა American Idol-ის ტოპ 12 მონაწილეში, შოუს ფინალში იმღერა ავსტრალიელ პოპ დივასთან, კაილი მინოუგთან ერთად.
ევროვიზია 2024 შვედეთის ქალაქ მალმეში 7, 9 და 11 მაისს გაიმართება.
2023 წელს საქართველო ევროვიზიაზე ირუ ხეჩანოვმა (Iru) წარადგინა. მომღერალი კონკურსს ნახევარფინალში გამოეთიშა.
საქართველო კონკურსის მოგებას მეთექვსმეტედ ეცდება. აქამდე საუკეთესო შედეგი მე-9 ადგილია, რომელიც 2010 წელს სოფო ნიჟარაძემ, ხოლო 2011-ში ჯგუფმა Eldrine დაიკავა.