კინოცენტრი არავის დუქანი არ არის. კინოცენტრი არის სახელმწიფო ორგანიზაცია, სახელმწიფო ფონდი, რომელსაც მიმართავთ და ის გიფორმებთ ან არ გიფორმებთ ხელშეკრულებას. ამ შემთხვევაში გაფორმდა ხელშეკრულება უფლება-მოვალეობების შესახებ. უფლება არის რომ მიიღო ფული და გადაიღო ფილმი იმ კონკრეტული სცენარის მიხედვით, რომელზეც კინოცენტრი ხელშეკრულებაში გიწერს, რომ ამ სცენარიდან გადახვევის უფლება არ გაქვს [...] ამას რეჟისორმა ხელი მოაწერა და დაიწყო ფილმის გადაღება და იმ კონკრეტული სცენარის მიხედვით ჩააბარა კიდეც დაუსრულებელი, მაგრამ პროდუქტი. მას შემდეგ, რაც გაიგო რომ ბიძინა ივანიშვილი იწყებს აბასთუმნის აღორძინებას, უკვე შემოჰყავს ის თავის ფილმში ძალიან პათეტიკური და არც თუ ისე გემოვნებიანი ფორმით [...]
დოკუმენტალისტიკაში თუ ცენზურის მაგალითი გვინდა, ეს არის როდესაც დოკუმენტურ სტუდია რაკურსს წინა ხელისუფლებამ ქონება წაართვა და ის მასალა გაუნადგურა, სადაც მათთვის მიუღებელი იყო. აი, ეს არის ცენზურა და ბრძოლა თავისუფალი კინოს წინააღმდეგ. მაგრამ ჩვენს შემთხვევაში საუბარია სახელშეკრულებო ურთიერთობებით არსებულ ვალდებულებების დაცვაზე. ვიღებთ ძალიან საცოდავ შედეგს, როდესაც ქალი რეჟისორი საკუთარი თავის გაყიდვას იაფფასიანი მეთოდებით ცდილობს.
