ისრაელის თავდაცვის ძალების სამხედროებმა დასავლეთ სანაპიროზე პალესტინის გათავისუფლების ორგანიზაციის (PLO) ყოფილი თავმჯდომარის იასირ არაფატის მონუმენტი დაანგრიეს. მონუმენტი თულკარემის ლტოლვილთა ბანაკის შესასვლელთან იყო განთავსებული.
სოციალურ მედია X-ზე (ყოფილ Twitter-ზე) მონუმენტის დანგრევის ამსახველი ვიდეოები ვრცელდება:
იასირ არაფატი პალესტინელების ლიდერი იყო. მას 1969-2004 წლებში პალესტინის გათავისუფლების ორგანიზაციის (PLO) თავმჯდომარის, ხოლო 1994-2004 წლებში პალესტინის ეროვნული ადმინისტრაციის პრეზიდენტის თანამდებობები ეკავა. მან ასევე პოლიტიკური პარტია "ფათჰი" დააარსა, რომელსაც 1959 წლიდან 2004 წლამდე ხელმძღვანელობდა. იასირ არაფატი 2004 წლის 11 ნოემბერს მოკვდა.