ჰიმალაის მთებში რუსი ალპინისტი ნადეჟდა ოლენევა დაიღუპა. სპორტსმენი 500 მეტრის სიღრმის ნაპრალში ჩავარდა.
"სხეული ნაპოვნია. ვარკვევთ ტრანსპორტირების საკითხს, იმიტომ რომ იმ ადგილას ვერტმფრენის დასმა შეუძლებელია". – ამბობს რუსეთს ალპინიზმის ნაკრების მთავარი მწვრთნელი პაველ შაბალინი.
უბედური შემთხვევა 14 ოქტომბერს, 6680 მეტრის სიმაღლეზე მოხდა, როდესაც ოლენევა ორ კოლეგასთან ერთად ჰიმალაის მთათა სისტემის ერთ-ერთ მწვერვალის, დხაულაგირის (სიმაღლე - 8167) დალაშქვრას ცდილობდა.
ოლენევა ერთ-ერთი ყველაზე გამოცდილი რუსი ალპინისტი იყო. მის ანგარიშზე რამდენიმე რუსეთს ჩემპიონის ტიტული და 200-ზე მეტი ლაშქრობა იყო.