რუსეთის თავდაცვის სამინისტროში ირწმუნებიან, რომ ოკუპირებულ ყირიმში მოსკოვის დროით 20:30-ზე ჰაერსაწინააღმდეგო თავდაცვის მეშვეობით ორი უკრაინული უპილოტო საფრენი აპარატი ჩამოაგდეს.
როგორც უწყებაში ამბობენ, მათ ორი საფრენი აპარატი ყირიმის სამხრეთ-დასავლეთით ჩამოაგდეს.
ოკუპირებული ყირიმისა და რუსეთის ფედერაციის მაკავშირებელ ქერჩის ხიდზე დროებით შეიზღუდა მანქანების გადაადგილება.
თავდაპირველად აფეთქებების შესახებ ინფორმაცია ადგილობრი ტელეგრამ-არხებზე გამოჩნდა.
ამას გარდა რუსეთის თავდაცვის უწყებაში ირწმუნებიან, რომ უკრაინული დრონი ჰაერსაწინააღმდეგო თავდაცვით ბელგოროდის ოლქშიც ჩამოაგდეს, მოსკოვის დროით 20:40-ზე.
რუსეთის თავდაცვის სამინისტრო უკრაინული დრონების თავდასხმის მოგერიებაზე ცნობას გასულ ღამესაც ავრცელებდა.