უკრაინის საჰაერო ძალების ინფორმაციით, 19 აგვისტოს ღამით უკრაინელმა სამხედროებმა რუსეთის ტერიტორიიდან გაშვებული Shahed-ის ტიპის 17 უპილოტო საფრენი აპარატიდან 15-ის განადგურება მოახერხეს.
"18-19 აგვისტოს ღამით ჩრდილოეთ ფრონტიდან რაშისტებმა იერიში მიიტანეს ჩრდილოეთ ფრონტიდან Shahed-136/131-ის ტიპის დრონების გამოყენებით. კურსკის ოლქიდან ჯამში სულ 17 დრონი გაუშვეს". - წერია უკრაინის საჰაერო ძალების განცხადებაში.
მათივე ინფორმაციით, უკრაინის საჰაერო ძალებმა რუსების გაშვებული 17 დრონიდან 15-ის განადგურება შეძლეს.
უკრაინის საჰაერო ძალების განცხადების თანახმად, საჰაერო თავდაცვამ რუსული თვითმფრინავების თავდასხმები ჩრდილოეთ, ცენტრალურ და დასავლეთ რეგიონებში მოიგერია.