საქართველოს რკინიგზის ცნობით, 3 ივლისის 17:00 საათიდან მოძრაობა განახლდება. მათივე ინფორმაციით, სადგურ მარელისთან ჩამოწოლილი მეწყერისაგან სრულად გაწმენდილია ლიანდაგები და აღდგენილია საკონტაქტო ქსელი.
"შესაბამისად, 3 ივლისის 17:00 საათიდან საქართველოს რკინიგზაზე მოძრაობა განახლდება. კერძოდ, დღის მეორე ნახევარში შესრულდება შემდეგი რეისები:
მაგისტრალური მიმართულებით მოძრავი მატარებლები:
- #804 თბილისი-ბათუმი 17:05
- #807 ბათუმი-თბილისი 17:15
- #801 ბათუმი-თბილისი 18:20
- #812 თბილისი-ბათუმი 0:35
- #811 ბათუმი-თბილისი 0:45
- #869 ზუგდიდი-თბილისი 17:25
- #874 თბილისი-ფოთი 17:30" - წერს საქართველოს რკინიგზა.
სადგურ მარელისთან ჩამოწოლილი მეწყრის გამო 1-2 ივლისის ყველა და 3 ივლისის რამდენიმე რეისი გაუქმდა.
იქამდე, დასავლეთში ძლიერი წვიმის გამო თბილისის მიმართულებით ზუგდიდიდან და ბათუმიდან მატარებლების მოძრაობა გაჩერდა. მიზეზი სოფელ ბაბის მიმდებარედ ლიანდაგების დატბორვა და ნიადაგის ჩამოშლა იყო.