89 წლის ასაკში ამერიკელი მსახიობი, რეჟისორი, სცენარისტი და პროდიუსერი ალან არკინი გარდაიცვალა, მას წლების განმავლობაში გული აწუხებდა.
არკინმა სამსახიობო კარიერა 1950-იანი წლების მეორე ნახევარში დაიწყო. წარმატება 60-იან წლებში ბროდვეის სცენაზე შესრულებულმა როლებმა მოუტანა. პირველი დიდი კინოროლი შეასრულა 1966 წელს ფილმში The Russians Are Coming, the Russians Are Coming. შესრულებული აქვს როლები სურათებში Catch-22, Fire Sale, Simon, Escape from Sobibor, Havana.
მსახიობი დიდ კინოში 2000-იან წლებში დაბრუნდა, როდესაც ფილმ Little Miss Sunshine-ში შესრულებული როლისთვის ოსკარი მიიღო. არკინისთვის ეს რიგით მეოთხე ნომინაცია იყო. სხვადასხვა წლებში მიღებული აქვს BAFTA, ოქროს გლობუსი, კინომსახიობთა გილდიის ჯილდო, თეატრალური ჯილდო ტონი და ემის 6 ნომინაცია.
