კობახიძე: მიშელის შეთანხმება იყო ანომალია - ღია და უხეში მცდელობა ხელისუფლების შესაცვლელად

რა თქმა უნდა, 19 აპრილის შეთანხმება თავიდან ბოლომდე იყო ანომალია, ანომალიაც არ იყო, ეს იყო უხეში და ღია მცდელობა, რომ ხალხის ნების წინააღმდეგ შეცვლილიყო ხელისუფლება. ეს არის ის სახელი, რაც უნდა დაერქვას ღიად 19 აპრილის შეთანხმებას. სწორედ ამიტომ, ჩვენ ვთქვით, ანულირების შემდეგ, რომ აღარასდროს ასეთ შეთანხმებას აღარ მოვაწერთ ხელს, ანომალიაზე აღარასდროს აღარ წავალთ, რაც უფრო მეტად მიიღებ ანომალიას, მით უფრო მეტად მოგახვევენ თავს ახალ-ახალ ანომალიებს. ამიტომ, ერთხელ და სამუდამოდ, ანომალიებზე ამ ქვეყანაში უნდა ითქვას უარი.