ლარი დოლართან მიმართებით 1.64 თეთრით გაუფასურდა, ხოლო ევროსთან - 0.98 თეთრით. 11 მაისის ვაჭრობის შედეგად, ერთი დოლარის ოფიციალური გაცვლითი კურსი 2.5458 ლარია, ხოლო ერთი ევროსი - 2.7805 ლარი.
კომერციულ ბანკებში დოლარის ღირებულება 2.58 ლარია, ხოლო ევროსი - 2.83 ლარი. რაც შეეხება სავალუტო ჯიხურებს, დოლარის შეძენა 2.54 ლარად შეგიძლიათ, ევროსი - 2.79 ლარად.
- რეფინანსირების განაკვეთის შემცირების შემდეგ, ლარი გაუფასურდა
- სავალუტო რეზერვები ისტორიულ მაქსიმუმზეა, მხოლოდ I კვარტალში სებ-მა $460 მლნ იყიდა
10 მაისის სხდომაზე საქართველოს ეროვნული ბანკის მონეტარული პოლიტიკის კომიტეტმა რეფინანსირების განაკვეთის 0.5 პროცენტული პუნქტით შემცირების გადაწყვეტილება მიიღო. ეს იმას ნიშნავს, რომ რეფინანსირების განაკვეთზე მიბმული სესხის პროცენტიც შემცირდება. სებ-ის გადაწყვეტილებით, მონეტარული პოლიტიკის განაკვეთი 10.5% იქნება. აქამდე, ბოლო ერთი წლის განმავლობაში, რეფინანსირების განაკვეთი 11% იყო.
ეროვნული ბანკის განცხადებით, ინფლაციური ტენდენციებისა და პროგნოზის გათვალისწინებით, სებ-მა გამკაცრებული მონეტარული პოლიტიკიდან ეტაპობრივი გამოსვლა დაიწყო.
