ევროპელი სოციალისტების ლიდერის, ფრიდონ ინჯიას თქმით, ის მოამზადებს კანონპროექტს, რომელიც, მისივე განცხადებით, საქართველოში "ლგბტ პროპაგანდას" შეზღუდავს.
"მე გადავწყვიტე, მოვამზადო კანონპროექტები, რომელიც იმ მოთხოვნას შეასრულებს, რაც საზოგადოებას ჰქონდა [...] მოვამზადებ კანონპროექტს, რომელიც ლგბტ პროპაგანდას შეზღუდავს. ლგბტ პროპაგანდა საქართველოსა და ქართულ ოჯახს ანგრევს [...] დროშებით რომ გამოდიხარ და ეს კარგიაო, ეს ქართველი კაცისთვის მიუღებელია". - განაცხადა ინჯიამ საქართველოს პარლამენტში.
30 აპრილს თბილისში, რესპუბლიკის მოედანზე "უცნობის" მიერ ორგანიზებულ სახელისუფლებო აქციაზე რამდენიმე მოთხოვნა წამოაყენეს. ერთ-ერთი მოთხოვნა სწორედ ის არის, რომ "ლგბტ პროპაგანდა" კანონით აიკრძალოს.
ძალადობრივი, პუტინისტური ალტ-ინფოს ლიდერი, კოკა მორგოშია აცხადებს, რომ ქართული ოცნება პარტნიორი პარტიების მეშვეობით ყველა იმ კანონს მიიღებს, რომლებსაც ისინი წლებია ითხოვენ, მათ შორის, "კანონს გეი-პროპაგანდის წინააღმდეგ".