უკრაინის პრეზიდენტის, ვოლოდიმირ ზელენსკის თქმით, აშშ-ს პრეზიდენტთან, ჯო ბაიდენთან საუბარმა უკრაინა გამარჯვებასთან მიაახლოვა და ვიზიტს შედეგები ექნება.
"ეს საუბარი ჩვენ გამარჯვებასთან გვაახლოებს... ამ შეხვედრის შედეგს ნამდვილად ვიხილავთ და ნამდვილად აისახება ბრძოლის ველზე ჩვენი ტერიტორიების გათავისუფლებაში". – თქვა ზელენსკიმ ჯო ბაიდენთან ერთად გამართულ პრესკონფერენციაზე.
ზელენსკიმ ბაიდენის ვიზიტს აშშ-უკრაინის ურთიერთობებში ყველაზე მნიშვნელოვანი მოვლენა უწოდა.
ჯო ბაიდენმა კიევი უკვე დატოვა.
ვიზიტის ფარგლებში ბაიდენი უკრაინას ნახევარი მილიარდი დოლარის ღირებულების სამხედრო დახმარებას დაჰპირდა. დახმარებაში შევა ჭურვები, HIMARS-ის რაკეტები, ტანკსაწინააღმდეგო დანადგარები და სადაზვერვო რადარები.
20 თებერვალს ჯო ბაიდენი კიევს ომის დაწყების შემდეგ პირველად, დაუგეგმავად ესტუმრა.
