ისრაელის ყოფილი პრემიერმინისტრის, ნაფთალი ბენეტის თქმით, ომის დასაწყისში რუსეთის პრეზიდენტმა, ვლადიმირ პუტინმა ის დაარწმუნა, რომ უკრაინის პრეზიდენტ ვოლოდიმირ ზელენსკის არ მოკლავდა.
"ვიცოდი, რომ ზელენსკის ბუნკერში საფრთხე ემუქრებოდა. მას [პუტინს] ვკითხე – ზელენსკის მოკვლას აპირებ? მან თქვა: მე არ მოვკლავ ზელენსკის. ვკითხე, სიტყვას მაძლევ, რომ არ მოკლავ? მან თქვა: მე არ მოვკლავ ზელენსკის". – ამბობს ბენეტი.
მისივე თქმით, პუტინთან შეხვედრის დასრულებისთანავე ესაუბრა ვოლოდიმირ ზელენსკისაც და უთხრა: "ახლახან გამოვედი შეხვედრიდან, ის შენ მოკვლას არ აპირებს. მან მკითხა: დარწმუნებული ხარ? ვუთხარი, რომ 100%-ით, ის არ აპირებს შენს მოკვლას".
ბენეტი ამბობს, რომ საუბრიდან ორი საათის შემდეგ ზელენსკი მის ადმინისტრაციაში მივიდა და მიმართვა გადაიღო, სადაც ამბობდა: "არ მეშინია".