რუსეთის ფედერალური უსაფრთხოების სამსახურის (ФСБ) მტკიცებით, ჩრდილოეთ ოსეთში, საქართველოს საზღვართან, ლარსის გამშვები პუნქტის გადაკვეთის მცდელობის დროს დააკავეს პირი, რომელიც უკრაინის სასარგებლოდ ჯაშუშობდა.
ФСБ-ს თქმით, დაკავებული დამოუკიდებელ სახელმწიფოთა თანამეგობრობის (დსთ) ერთ-ერთი წევრი ქვეყნის მოქალაქეა, რომელიც 28 წლის არის.
რუსეთის უსაფრთხოების სამსახურის მტკიცებით, ეჭვმიტანილმა მათ აჩვენა Telegram-მიმოწერა, რომელშიც ის მეორე პირს რუსული სამხედრო ტექნიკის ადგილმდებარეობის ფოტოებს უგზავნიდა. გამოძიება ჯაშუშობის მუხლით დაიწყო.
რუსეთის გარდა, დსთ-ს წევრი ქვეყნებია: სომხეთი, აზერბაიჯანი, ბელარუსი, ყაზახეთი, ყირგიზეთი, მოლდოვა, ტაჯიკეთი და უზბეკეთი.
![ივანიშვილის რეჟიმმა წაქცეული დიმიტრი ჩიქოვანი 5 კაცს აცემინა [VIDEO]](https://api.tabula.ge/files/styles/news_thumb_md/public/photos/2024/05/tavdamskhmelebi.png.jpg?itok=GH1wQ8N1)
