თბილისში, ვაზისუბანში ლიფტის შახტაში 2 ადამიანი ჩავარდა და ადგილზე დაიღუპა. რუსთავი 2-ის ინფორმაციით, დაღუპულია ცოლ-ქმარი.
"მაშველები ოპერატიულად გამოცხადდნენ და ლიფტის შახტიდან 2 პირის ცხედარი ამოიყვანეს". - უთხრეს ტაბულას საგანგებო სიტუაციების მართვის სამსახურში.
რუსთავი 2-ის ცნობით, შახტაში პირველი კაცი ჩავარდა, მის დასახმარებლად ცოლი ჩავიდა, რა დროსაც ლიფტი ამუშავდა და ორივე მოიყოლა. მედიის ინფორმაციით, დაღუპულები 35-წლამდე ასაკის არიან.