კენტუკი კიბერუსაფრთხოებასთან დაკავშირებული შეშფოთების გამო სამთავრობო მოწყობილობებზე TikTok-ის გამოყენებას კრძალავს. ამ დრომდე აპლიკაციის გამოყენება აშშ-ს 20-ზე მეტ შტატს აქვს აკრძალული.
ვისკონსინისა და ჩრდილოეთ კაროლინას გუბერნატორებმა სამთავრობო მოწყობილობებზე TikTok-ის აკრძალვის შესახებ ბრძანებებს ხელი ხუთშაბათს, 12 დეკემბერს მოაწერეს, ხოლო ოჰაიომ, ნიუ ჯერსიმ და არკანზასმა – კვირის დასაწყისში.
გასული წლის 14 დეკემბერს ამერიკის შეერთებული შტატების სენატმა ერთხმად დაუჭირა მხარი კანონპროექტს, რომელიც სამთავრობო მოწყობილობებზე TikTok-ის გამოყენებას კრძალავს.
ბოლო კვირებია შტატების მზარდმა რაოდენობამ სახელმწიფო თანამშრომლებსა და კონტრაქტორებს სამთავრობო მოწყობილობებზე პოპულარული სოციალური მედიის აპლიკაციის, TikTok-ის გამოყენება აუკრძალა. ამის მიზეზი ჩინეთის მთავრობის მიერ შესაძლო თვალთვალისა და "ჩარევის ოპერაციების" შესახებ FBI-ის გაფრთხილებაა.