უკრაინის პრეზიდენტის, ვოლოდიმირ ზელენსკის თხოვნა, ფეხბურთის მსოფლიო ჩემპიონატის ფინალის დაწყებამდე მიემართა მსოფლიოსთვის, FIFA-მ უარყო. ამის შესახებ CNN-ი წყაროზე დაყრდნობით წერს.
წყაროს ცნობით, ზელენსკის ოფისმა კატარის მოედანზე თამაშის დაწყებამდე ვიდეო ბმულით ჩართვა ითხოვა, რასაც FIFA-სგან უარყოფითი პასუხი მოჰყვა.
"ჩვენ ვფიქრობდით, რომ FIFA-ს თავისი პლატფორმის გამოყენება უფრო დიდი სიკეთისთვის სურდა". - თქვა წყარომ.
წყაროს ინფორმაციით, უკრაინასა და FIFA-ს შორის მოლაპარაკებები ჯერ კიდევ მიმდინარეობს.