საუდის არაბეთის მეფე სალმანმა, არგენტინასთან გამარჯვების გამო, ხვალინდელი დღე დასვენებად გამოაცხადა. ინფორმაციას გამოცემა ESPN ავრცელებს.
დღეს, 22 ნოემბერს, საუდის არაბეთმა კატარში მიმდინარე მსოფლიო ჩემპიონატის შეხვედრაში რთული მეტოქე, არგენტინის ნაკრები, ანგარიშით 2:1 დაამარცხა და ამ ეტაპზე ჯგუფის ლიდერია.
დასვენების დღე შეეხება, როგორც სახელმწიფო, ისე კერძო სექტორში დასაქმებულებს. არ იმუშავებს სკოლები და უმაღლესი სასწავლებლები.