საზოგადოებრივი ტრანსპორტი თბილისში

კალაძე: დღეს თბილისს ყველაზე მოწესრიგებული საზოგადოებრივი ტრანსპორტი ჰყავს

როდესაც ჩვენ სატრანსპორტო რეფორმასა და სატრანსპორტო პოლიტიკაზე ვსაუბრობთ, აბსოლუტურად თანმიმდევრულები ვართ. პირველი რაც გავაკეთეთ და მოვახერხეთ, საზოგადოებრივი ტრანსპორტის სრული განახლება იყო, ჩვენ დაპირება შევასრულეთ. ძველი სატრანსპორტო საშუალებები ახალი, ევროპული ტიპის, ეკოლოგიურად სუფთა ავტობუსებით ჩავანაცვლეთ. ეს პირველი ეტაპი ჩვენ წარმატებით დავასრულეთ. მე, როგორც ქალაქის მერს, როგორც ამ ქალაქში მცხოვრებ ადამიანს, ნამდვილად მეამაყება, რომ დღეს დედაქალაქს ჰყავს ყველაზე ახალი, ყველაზე მოწესრიგებული საზოგადოებრივი ტრანსპორტი, შეიძლება ითქვას, მთელ ევროპაში. იმიტომ, რომ ერთდროულად, საერთაშორისო საფინანსო ორგანიზაციების მხარდაჭერითა და თანადგომით, ჩვენ მთლიანად პარკის ჩანაცვლება მოვახერხეთ და მხოლოდ და მხოლოდ ახალი ავტობუსები გვყავს. ეს ამ რეფორმის პირველი ეტაპი იყო. რა თქმა უნდა, არის შემდეგი ეტაპი იმისთვის, რომ ამ ავტობუსებითა და მიკროავტობუსებით ადამიანებმა ერთი ადგილიდან მეორე ადგილზე უპრობლემოდ გადაადგილება შეძლონ. ასევე, რომ შემცირდეს მოცდის დრო.

თქვა დედაქალაქის მერმა, კახი კალაძემ თბილისის მუნიციპალიტეტის მთავრობის სხდომაზე.

კომენტარები