გლობალურ საკითხებზე ჩიკაგოს საბჭოს კვლევის თანახმად, ამერიკელი მოსახლეობის დიდი ნაწილი მხარს უჭერს უკრაინის დახმარებას, თუნდაც ეს გაზისა და სურსათის მაღალი ფასების ზრდას გულისხმობდეს.
უმრავლესობა აგრძელებს რუსეთის წინააღმდეგ აშშ-ს ეკონომიკურ და დიპლომატიური სანქციების მხარდაჭერას (80%), უკრაინელი ლტოლვილების შეერთებულ შტატებში მიღებას (76%), უკრაინის მთავრობისთვის დამატებითი იარაღისა და სამხედრო მომარაგების მიწოდებას (71%) და უკრაინას ეკონომიკურ დახმარებას (72%).
ყოველი ათი ადამიანიდან თითქმის ოთხი მხარს უჭერს უკრაინის დასაცავად აშშ-ის ჯარების გაგზავნას (38%).
ამერიკის შეერთებულმა შტატებმა 9 მილიარდ დოლარზე მეტი სამხედრო დახმარება გაუწია უკრაინას 24 თებერვლის შემდეგ, რაც უპრეცედენტო თანხაა შეერთებული შტატების სხვა სამხედრო დახმარების კამპანიებთან შედარებით ბოლო 30 წლის განმავლობაში. აშშ-ში ფასების ზრდის მიუხედავად, ჩიკაგოს საბჭოს ახლად დასრულებული კვლევა აჩვენებს, რომ ამერიკელები კვლავ მხარს უჭერენ აშშ-ს ეკონომიკურ დახმარებას და სამხედრო ტრანსფერებს უკრაინაში. ფაქტობრივად, უმრავლესობას სურს გააგრძელოს ქვეყნის მხარდაჭერა "მანამ სანამ ეს დასჭირდება".
ამავე, კვლევამ ასევე აჩვენა, რომ ამერიკაში პარტიული წარმომადგენლობის უმრავლესობა მხარს უჭერს NATO-ში ახალი წევრების მიღებას, მაშინაც კი, თუ ეს ნიშნავს, რომ NATO-ს წევრ ქვეყნებს შესაძლოა მოუწიონ მათი დაცვა მომავალი რუსული აგრესიისგან.