პაპუაშვილი ჩანაწერებზე: არ მგონია, რომ ბევრმა რამე განსაკუთრებული შინაარსი გამოიტანა

მედიაში საუბრობენ, თითქოს ეს სატელეფონო საუბარი დაადასტურა ერთ-ერთმა მხარემ, რაც სინამდვილეში, არ დაუდასტურებია, რამდენადაც მოვისმინე. ერთადერთი, მან თქვა, რომ იმ საუბრის ერთ-ერთი ფიგურანტი ნამდვილად იმყოფებოდა საქართველოში, თუმცა ჩანაწერის ავთენტურობა არავის არ დაუდასტურებია. რაც შეეხება ზოგადად ამ კამპანიებს, მათ შორის, ამ ჩანაწერებიდანაც არ მგონია, რომ ბევრმა რამე განსაკუთრებული შინაარსი გამოიტანა. ვხედავთ, რომ ამაზე საზოგადოებასაც დიდად არ აქვს რეაქცია, იქიდან გამომდინარე, რომ ხდება რაღაც საკითხების და მათ შორის, ასეთი ჩანაწერების შეფუთვა და სიტუაციის შექმნა, თითქოს რაღაც სკანდალთან გვაქვს საქმე. სინამდვილეში, თუ დავუკვირდებით, ერთი, რომ გაურკვეველია, რა ჩანაწერია, საიდან არის, რამდენად ავთენტიკურია და მეორე, შინაარსსაც თუ დავუკვირდებით, იქაც კითხვები წარმოიშვება, რა არის ამ შინაარსში განსაკუთრებით სკანდალური.