ჩვენი პოლიტიკური გუნდი მზადაა ჩავიდეს უკრაინაში, რათა კიდევ ერთხელ გამოხატოს პოლიტიკური, ჰუმანიტარული მხარდაჭერა. გარწმუნებთ, რომ ჩავალთ ის ადამიანები, ვისაც უკრაინასთან ურთიერთობები უშუალოდ გვეხება და ვინც შეძლებს, საკუთარი პოზიცია სათანადოდ გამოხატოს.
პარლამენტის თავმჯდომარეს, შალვა პაპუაშვილს არასდროს, არც წარსულში და არც დღეს არ ჰქონია პრობლემა, რომ უკრაინის და უკრაინელი ხალხის მიმართ გამოეხატა მხარდაჭერა, რა თქმა უნდა, ამაში იგულისხმება მზადყოფნაც, სათანადო დროს ის ჩავიდეს უკრაინაში.
