17 ივნისს აშშ-ს პრეზიდენტმა დონალდ ტრამპმა ვერსალის სასახლეში ირანთან მიღწეულ ურთიერთგაგების მემორანდუმს მოაწერა ხელი, რომლის მიზანიც ორ ქვეყანას შორის კონფლიქტის დამთავრებაა.
მანამდე დოკუმენტის შესახებ დეტალები რეპორტიორებს ტრამპის ადმინისტრაციის გავლენიანმა მაღალჩინოსანმა გაუზიარა.
რა წერია აშშ-ირანის ურთიერთგაგების მემორანდუმის 14 პუნქტში, რომელიც მედიაში გავრცელდა
შეთანხმებას ტრამპმა ხელი პირადად მოაწერა, როცა ის ვერსალში საფრანგეთის პრეზიდენტ ემანუელ მაკრონთან ვახშმობდა.
თავის მხრივ, ირანის საგარეო საქმეთა სამინისტროს სპიკერმა, ესმაილ ბაღეიმ ირანულ სახელმწიფო მედიას აცნობა, რომ შეთანხმებას ხელი ირანის პრეზიდენტმა, მასუდ ფეზეშქიანმაც მოაწერა.
კვირის დასაწყისში გავლენიანმა ამერიკელმა მაღალჩინოსნებმა განაცხადეს, რომ ურთიერთგაგების მემორანდუმს აშშ-ს მაღალჩინოსნებმა და ირანის პარლამენტის სპიკერმა, მოჰამად ბაღერ ღალიბაფმა ხელი ციფრულად უკვე მოაწერეს.
